زمان أول - خاطرة كروية

يقولوا الكورة مجنونة
تجنن من يشاهدها ويلعبها
وأنا بأنقل لكم صورة
في زمن عشته أمارسها

راح أنظم فيها بعض أبيات

أصور مشاهد كنت عايشها

ولو حسيتوا بطرافة في قولي

فهيه طرافه ماني قاصدها

زمان كان عندنا نادي

"صقر قريش" سميناه

في مكة ربي يحرسها

أخلصنا لشعاره وحبيناه

كان مدير نادينا شخصية

موظف في هيئة حكومية

موفر لنا كل ما نحتاج

ونص راتبه مصاريف نثرية

وفي سبيل إخلاصه لنادينا

وضياع معاشه على بلاوينا

كانت أمه ربي يحفظها

دوم تشتكي حاله لأهالينا

هوه ما كان غاوي لعب

ولا عمره برجله شات كورة

بس يحب المريسة والصرف

وتكون له في حارتنا أهمية

أما أنا فكنت ألعب دفاع قشاش

وأحيانا ظهير أيمن أو سنتر هاف

أحب أخدم نادينا بس على كيفي

وأحب أصنع لعب وأجيب أهداف

وكان حارسنا اسمه عبدالواحد

في فخامة لبس وهيبة لا تناقش

بس لو انفرد بمرماه ولو واحد

يترك باب المرمى ويهاوش

وكانت تمارين نادينا عصرية

وملعبنا بعد العمرة بشوية

والنجيلة كانت حصى ورمل

وتضاريسه بدم أجراحنا مروية

زمان أول ما أحلى أيامه

وطيبة قلوب ناسه ونواميسه

تغير كل شيء عرفناه

ودخلنا لزمن غير بمفاليسه

..............
وسلامتكم ..!