زمان أول
وأهل أول
قصص يا ما سمعناها
عن طيبة أهل أول
وبساطة أهل أول
وجيرة أهل أول
بيوت شعبية من حجر وطين
يسكنها الصفاء وناسها متراحمين
تلاقي الأسرة ملتمة
من الجد والجدة
وأولاد العم والعمة
وسفرة تُلم الكل
وقلوب الناس مجتمعة
هذاك أول
وزمان أول
ما أحلى طيبة أهل أول
أواصر قربى محلاها
تلاقي الكل يرعاها
فيها للكبير قيمة
طيب الأصل يغذيها
وقرابة تتزاور
ما تنتظر أعياد
ما تنتظر أعياد
ولا ترتيب ودورية
ولو قررنا نروح قيلة
لواحد من العيلة
نروح سُكيتي
بلا موعد وهليلة
هذاك أول
وزمان أول
ما أحلى طيبة أهل أول
وجيرة ما في أعز منها
كأن الجيران أهلية
ولو الجار شكى عوزة
تلاقي الحارة فزيعة
وفي الأفراح والأتراح
جيران الحارة لحمية
وعلى سفرة كل عيلة
تلاقي اكلات نوعية
هذا من بيت أبو مازن
وهذا من ستيتا بدرية
هذاك أول
وزمان أول
ما أحلى طيبة أهل أول
.............................
للخواطر بقية
م. / خالد الشريف
ليست هناك تعليقات:
إرسال تعليق